Коми-русские пословицы перевод


Удж да сы дінӧ отношение йылысь


коми анбур

Лӧсьӧдіс Ф.Плесовский
Сыктывкар, 1956.
стр.217-244.

1.  Уджав томдырйи, пӧрысьман — сёрман.

2.  Кыдз верман тулысын кӧдз-гӧр ньӧр вундігкості, сёрман — йӧрман.

3.  Тулысын узян, арын шогӧ усян.

4.  Кӧдз-гӧр пася дукӧсӧн, а вунды дӧрӧм кежысь.

5.  Кӧдз кӧть пӧимӧ, да пӧраӧ.

6.  Водзджык кӧдзан — ыджыд сёрӧм тэчан.

7.  Мутӧ кӧ радейтан, и коми-русские пословицы перевод сійӧ тэнӧ радейтас.

8.  Мый кӧдзан, сійӧ и петас.

9.  Муястӧ куйӧдӧн тыртан — озыр урожай амбарӧ пыртан.

10. Кутшӧма кӧдзан, сэтшӧма и вундан; кутшӧма вундан, сэтшӧма и сёян.

11. Юрын — абу на турун, сёрӧмын — абу на нянь.

12. Кор сюыс лоӧ, сэки и мераыс лоӧ.

13. Гожӧмын коктӧ кыскалан — тӧвнас кынӧмтӧ кыскас.

14. Коді кыакӧд чеччӧ, сылӧн олӧмыс судзсьӧ.

15. Ӧтувъя удж ёнджыка содӧ.

16. Бур уджӧн да бур морттуйӧн некор, некытчӧ он вош.

17. Уджыд весиг кӧртлысь сім бырӧдӧ.

18. Китуйтӧг эн уджав, бордтӧг эн лэбав.

19. Тувсов уджъяс во гӧгӧр вердӧны.

20. Удж бӧрын шойччӧг — мӧд уджлы отсӧг.

21. Удж серти и ним да честь.

22. Бура кӧ уджалан — ылӧдз и нималан.

23. Бӧрйы гӧтырпутӧ удж вылын, а эн рытйысянінын.

24. Кыдзкӧ да мыйкӧсьыд потшӧстӧ он потш.

25. Арталан кӧ стӧча, ставсӧ бура вӧчан.

26. Ёнджыка уджалан, топыдджыка узян.

27. Вӧліны мед кияс, а уджыд, майбыр, сюрас.

28. Кыян-виян кӧ, и сеян.

29. Трудыд ваӧ оз вӧй.

30. 3іль мортлы низьыд-мойыд керка пельӧсӧдыс кайӧ.

31. Мортыд уджын мортъяммӧ, мортӧс удж краситӧ.

32. Сьӧлӧмыд кӧ ыджыд, быд удж ичӧт.

33. Мортӧс удж вылын тӧдмалӧны.

34. Этшаджык серав да унджык уджав.

35. Этшаджык сёрнит да унджык вӧч.

36. Труд вердӧ, а дышӧдчӧм торкӧ.

37. Тӧлктӧм удж — абу удж.

38. Сямлуныд кыйсьысьлӧн кыйсян ноп сертиыс тыдалӧ.

39. Кутшӧма уджалан, сэтшӧма и босьтан.

40. Коктӧ кӧ кӧтӧдан и чуньтӧ нюлыштан.

41. Лэчтавны куж да мывкыдтӧ кут.

42. Сьӧкыдторсӧ аддзывтӧг кокнисӧ он тӧдмав.

43. Сьӧкыда уджалан — чӧскыда сеян.

44. Пидзӧсӧдзыд кӧ куйӧд пиын уялан, гырддзабдзыд вый пытшкын луасян.

45. Медась — эн тэрмась, уджав — эн дышӧдчы.




Декоративный столб "Коми пословицы и поговорки". Дерево. Работа Вячеслава Кислова. Сад скульптуры, Сыктывкар.

46. Мый гудйыштан, сійӧс и кокыштан.

47. Гажтӧм кӧ — уджӧ кутчысь.

48. Уджалан кӧ — лоас, он кӧ уджав — важыс бырӧ.

49. Синмыд повзяс, а киыд вӧчас.

50. Мастер тӧдчӧ удж серти.

51. Мастерӧвӧй мортлӧн киыс быдлаӧ сибалӧ.

52. Рӧбӧтниклы пӧлтинник и мастерлы чӧлкӧвӧй.

53. Сылӧн чунь помыс зарниа.

54. Сьылігтырйи удж мунӧджык.

55. Йӧктыны кӧ мастер, мед и удж вылын мастер.

56. Эн тэрмась кывнад, а тэрмась уджнад.

57. Вӧчтӧдз вӧйдӧр юась да кывзы бур йӧзыслысь.

58. Бӧжтӧ кӧ кӧтӧдан и чери сеян.

59. Урыд лаз-нопъяд ачыс оз пыр.

60. Чери кыйысь век "слабӧя" шуӧ, ӧтпыр cія оз ошйысьлы.

61. Туйӧ кӧ он ветлы — овны он велав.

62. Ас уджысь он мудз.

63. Бур вевт улын быдтор олас.

64. Мӧдін бара шӧрттӧм дӧратӧ панны.

65. Татшӧм уджыд — гырйын ва тойӧм.

66. Ас удж — грӧш, йӧзлон — кыдз нӧш.

67. Сёйӧмысь эн яндысь, уджысь эн дӧзмы.

68. Кулӧм бӧрын шойччам.

69. Он кӧ вермы — эн босьтчы.

70. Пыдын чериыдлӧн юрыс, кутшӧма ещӧ кыян.

71. Чери кыйысьлы кыйны, а мем сёйны.

72. Мӧдӧдчан лун кежлӧ, запас босьт недель кежлӧ.

73. "Пӧ" да "гашкӧ" вылӧ некор эн веритчы.

74. Йӧз шея вылын эн велӧдчы иславны.

75. Кывӧбритӧмнад кынӧмыд оз пӧт.

76. Паччӧрад пукалігӧн нинӧм оз лок паччӧр дорад.

77. Паччӧрад куйлігӧн гӧгйыд оз вӧрзьывлы.

78. Паччӧртӧ пӧжигад кынӧмыд оз пӧт.

79. Омӧль уджысь гӧн паныд шыльӧдлӧны.

80. Дыш мортлы унмыд пыр кома (джынъя).

81. Дышлы пыр праздник.

82. Дыш Иванлы быд лун иванлун.

83. Дыш мортлӧн пыр аски да аскомысь.

84. Дыш киын некутшӧм удж оз ӧшйы.

85. Паччӧр вылад мустӧ оз зырт.

86. Сёйнытӧ боярин, а удж вылад детинка.

87. Век пукалігӧн гӧгйыд вӧрзьӧма.

88. Коссӧ оз берт, спинасӧ оз жугӧд.

89. Дышлӧн пыр кык мыш.

90. Дыш, да горш.

91. Водз чеччӧ да этша печкӧ.

92. Сёйны здоров, а удж вылӧ висьӧ.

93. Дыш висьӧм — медся омӧль висьӧм.

94. Дыш мортӧс сира гезйӧн он кыскы.

95. Дыша олысь — быд уджысь полысь.

96. Быдторйыд чинас, дышлуныд кӧ дінад.

97. Витӧн ӧтиӧс оз виччысьны.

98. Ньӧжмыд мортӧс сӧмын смертьла позьӧ ыстыны.

99. Пыж пуысь пелыс пуыд век нин артмас.

100. Уджнас лябсьӧ да гӧлӧснас босьтӧ.

101. Кыв вылын сідз да тадз, а делӧ вылын некыдз.

102. Больгӧмысь нянь шомӧсыд оз сукмы.

103. Кӧсйысьӧмыд — абу на вӧчӧм.

104. Вылӧ метитчан да улӧ воан.

105. Ылӧ лыйлӧ да матӧ инмӧ.

106. Бурысь-бур чужӧ да рӧдмӧ.

107. Кутшӧм кӧйдыс кӧдзан, сэтшӧм нянь и вундан.

108. Татшӧм уджыд пожйӧн тшын петкӧдлӧм кодь.

109. Татшӧм уджыд пур вылысь ва койӧм кодь.

110. Юрвывтыр удж, а уджтуй оз тӧдчы.

111. Лёк уджыд гӧра паныд ислалӧм кодь.

112. Лунтыр тэ дор, а сёйны эн кор.

113. Мырсян, мырсян да и пурсян.

114. Горт гӧгӧр уджавны — не лым пиын уявны.

115. Гӧрыс да пиняыс пыр лоӧ, повны нинӧмысь.

116. Тайӧ ӧд абу сер гижны, тайӧс колӧ кужны

117. Перӧ ручкаад кӧ он велав, пила ручкаад век нин велалан.

118. Кильчӧ сод лыддян уджсьыд улӧ он во.

119. Кага лыыд небыд, китӧ оз гадьмӧд.

120. Мудзӧм кылыд вывті оз печлась.

121. Вурсьысь портитӧ, утюг шыльӧдӧ.

122. Ён кӧ потшӧсыс — оз пырны.

123. Нэмӧвӧйя додь вӧчалысьлӧн доддьыс пуӧ кайӧ.

124. Ачыс пуд, сямыс зӧлӧтник.

Бать-мам да чой-вок дінӧ отношениеяс

125. Бать-мамӧс кӧ вунӧдан — нэмыд дженьдаммас.

126. Он кӧ ай-мамтӧ кывзы, шыла йылын моз и бергалан.

127. Бать-мамысь бур некӧд абу.

128. Мам сьӧлӧмыд — мам сьӧлӧм и эм.

129. Бур бабакӧд и сьӧд вӧр шӧрын гажа овны.

130. Бур мужик дорын и йӧй баба прӧсуж.

131. Бур баба — овмӧс кутысь, лёк баба — овмӧс воштысь.

132. Кӧзяин юсяс — керкаджын юас, кӧзяйка юсяс — став керкасӧ юас.

133. Гӧтырыд абу тшайпод, он чужйы.

134. Кутшӧм чунь ассьыд он курччы, ставыс ӧткодя доймӧ.

135. Сьӧлӧм косьтысь-орӧдысь, ай-мам дінысь кӧдзӧдысь.

136. Мый тэд, камка паруса али мый колӧ? (Бӧрйысьысь ныв), (Камка — узора шӧвк ткань).

137. Кутшӧм невеста, сэтшӧм и жӧник.

138. Бабаыдлӧн кӧ кутӧдыд абу, мужик нажӧвитӧмнад он озырмы. Пыдӧстӧм пельсатӧ ванад он тырт.

139. Лӧсьыдджык лев-зверкӧд овны лёк бабакӧд дорысь.

140. Омӧль мужик саяд мунӧмӧн сӧмын дуб шыд да кӧмтӧм кӧк нажӧвитан.

141. Бур ай-мамлӧн и челядьыс бурӧсь.

142. Ай-мамыдлы рака моз аслад челядьыд медмичаӧсь.

143. Кутшӧм бать-мам, сэтшӧм и ныв-пи.

144. Ӧти пи — абу пи, кык пи — джын пи, куим пи — пи.

145. Бать-мамыдлысь кӧ он кывзы, ва шӧрӧд кылалан.

146. Бать-мам кӧ оз вермыны велӧдны — бур йӧз велӧдасны.

147. Бать-мам кӧ оз вермыны велӧдны да бур йӧз кӧ оз вермыны велӧдны — тужа-нужа велӧдас.

148. Том мортлы батьлӧн кыв — кыйсьысьлы лишнӧй заряд.

149. Эн коль пиыдлы озырлун, а тувъяв сылы мывкыдлун.

150. Лабич вомланас кӧ он вермы челядьтӧ велӧдны, лабич кузянад он нин (мӧдногӧн кӧ, ичӧтдырйиыс кӧ он велӧд, быдмӧм бӧрас сьӧкыд лоӧ велӧднытӧ).

151. Бать-мам абу пилы невеста бӧрйысь.

152. Оз на удитны бордъясьны, а видзӧдчӧны нин позтӧ эновтны.

153. Чужигад кутшӧм лоан, сэтшӧмӧн и кулан.

154. Пӧрысь мужикыдлӧн кокыс кӧдзыд.

155. Абу ӧд зять, вывті эн кратайтчы.

156. Быдтысигӧн шог, быдмасны да ещӧ шог.

157. Эн серав чойӧй, ачыд вед ныв на.

158. Омӧлик рӧдняыд только вӧдня.

159. Сват серти сватья, гость серти и румка.

160. Пӧрысь да челядь ӧткодьӧсь.

Гӧльяс да озыръяс йылысь

161. Гӧль олӧмыд кӧдзыд зэр улын олӧм кодь.

162. Нэмсӧ нырсис-уджаліс да уджйӧзысь эз петав.

163. Гӧль эськӧн сюсь да унаысь ужинтӧг узьлӧ.

164. Гӧльлы озырлун оз лӧсяв (неудачаяс дырйи).

165. Керка-картатӧг овліс, бобыль нимӧн ветлывліс.

166. Сійӧ кӧкӧн нэмсӧ кӧкис позтӧм кӧк моз.

167. Гӧльыдлы озыр мужик саяд некор оз ков мунны.

168. Гӧльлӧн удж — поплы помечалӧм.

169. Медтӧм казак овлӧ, сёйтӧм-ютӧмыс оз овлы.

170. Тыртӧм пинь вылӧ и сійӧ шань.

171. Куим пельӧс да аслам керка.

172. Гӧль мортлӧн керкаыс вылын йыла да улын діна.

173. Шулывлӧмаӧсь: гӧльман пӧ да йӧйман.

174. Коді голь, сійӧ и мыжа.

175. Озыр жӧник — скӧтыс кань да чипан, дозмукыс — пань да перна.

176. Кысянь йӧзлы пакӧсть, сэсянь и поплы усьӧ шуд.

177. Зептыд кӧ тыртӧм и попыд тэд пельтӧм.

178. Поплӧн юрсиыс кузь, рясаыс кузь дай зептыс кузь.

179. Поплы кӧть кольта, кӧть сёрӧм, век на этша.

180. Поплӧн зептыс пыдӧстӧм.

181. Поплысь мешӧксӧ тыртны сьӧкыд.

182. Мунан кӧ поп дінӧ, ноптӧ эн вунӧд.

183. Попыд не ас вок.

184. Ад горш да поп горш ӧтпасьта.

185. Кутшӧм поп, сэтшӧм и попаддя.

186. "Пӧ"-ыд да "гашкӧ"-ыд поплысь пӧ нёль зорӧд сёйӧмаӧсь.

187. Поп ордын кӧ олан, поплысь и мӧс тӧд.

188. Ме висьтала поп йылысь, а сійӧ пыр попаддя йылысь.

189. Пельтӧм поплы куимысь оз звӧнитны.

190. Тэ туян сӧмын поплы казак вылӧ.

191. Мый сералан, поп ордын ӧмӧй ӧбедайтін?

192. Сьӧм босьтӧны лыддьытӧг сӧмын поп да дурак.

193. Быд поплӧн аслас "паки".

194. Велӧдчытӧг попӧ он во.

195. Стӧрӧжын кӧ он ов и попӧ он вӧлы.

196. Петук да поп сёйтӧг сьылӧны.

197. Поп мында челядь лӧсьӧдӧмыд.

198. Кельчи чери — не чери, поп ныв — не гӧтыр.

199. Коді любитӧ попос, коді попаддяӧс, коді и поп нылӧс.

200. Ю да ю. Ме ӧд абу поп мӧс.

201. Небыда вӧльсалӧ да чорыда шебралӧ.

202. Озыркӧд водзсасьны, мый пачкӧд люкасьны.

203. Озырыд труднӧй морт.

204. Нинкӧм новлысь кӧ эз вӧв, эз вӧв эськӧ ной новлысь.

205. Ёнкӧд эн юксьы, ёнкӧд эн косясь.

206. Озыр мортлӧн питшӧгыс шоныд.

207. Озырыдлысь нин орӧдан, а сюмыс мынтан.

208. Нэмыд ӧд ӧти кучикӧн он ов.

209. Горш морт пыр видзӧдӧ курыштны.

210. Кымын уна, сымын колӧ.

211. Асланьыс руч кодь сюсь.

212. Шусьӧ другӧн, а гӧгӧрбок ӧбидитӧ.

213. Ас морт ас мортлы, дерт нин, друг.

214. Вермас кӧ, мылльӧс моз пычиктас.

215. Сылысь тӧлын лым он босьт.

216. Ёна юмовсӧ сёйӧмысь вомыс нин курзьӧма.

217. Нӧк-вый пытшкын ислалӧ.

218. Сук рокыд Вяткаӧ оз на вӧтлы.

219. Вый юӧ да олӧ.

220. Горш мортыд и корысьлысь коран мешӧксӧ гусялас.

221. Горш мортыд ассьыс бать-мамсӧ вузалас.

222. Кӧпейка вӧсна ваӧ рад чеччыштны.

223. Кулӧ-бырӧ эмнас, а пыр абу.

224. Кужан кӧ овны — стеж гач новлан.

Йӧзкӧстса отношениеяс йылысь

225. Олӧмыд ас саяд.

226. Кымын юр, сымын и тӧлк.

227. Ӧтилаын олігӧн сукджык рокыд.

228. Ӧти киӧн гӧрӧд он гӧрддзав.

229. Чукӧрӧн донтӧмджык.

230. Йӧз муын рад и ас рака вылӧ.

231. Чужан муыд пыр дум вылад.

232. Кӧть кутшӧм шань, век жӧ абу гортын.

233. Гортын — кыдз колӧ, йӧзын — кыдз тшӧктасны.

234. Водз гӧтрасьӧмысь да водз чеччӧмысь оз каитчыны.

235. Ас юр гӧгӧртӧ быдӧнлы колӧ неунатӧ тӧдны.

236. Велӧдчытӧг мортӧ он во.

237. Велӧдчан кӧ — морттуй шедӧ.

238. Велӧдчытӧм мортыд кывтӧм пемӧсысь омӧль.

239. Олыштан да олӧмыс ставсӧ петкӧдлас.

240. Нэм олӧм абу ва вуджӧм.

241. Бура овсяс, бура кывсяс.

242. Ачыд кӧ бур, и йӧзыс бурӧсь.

243. Кутшӧм ӧдзӧсӧ таркӧдчан, сійӧ и воссяс.

244. Добра лӧсьӧдысьыд — морт, а добра хранитны кужысь — кыкпӧв морт.

245. Правдаыд и биын оз сотчы и ваӧ оз вӧй.

246. Окотатӧ тешитны оз позь.

247. Нэм ов да нэм велӧдчы.

248. Ов синмӧн-пельӧн.

249. Дзонь гӧликтӧ чегны сьӧкыд.

250. Мортлӧн меддонатор — дзоньвидзалун.

251. Пиньыд кӧ лоӧ и нянь лоӧ.

252. Смел йӧз дінын кӧ быдман и ачыд смел лоан.

253. Паччӧр вылын асьтӧ эн кыпӧд, а ывла вылын эн пов.

254. Кӧні любовь да сӧвет, сэні быд бурыc.

255. Бур керӧмысь омӧль оз ло.

256. Кӧні сӧвет, сэн и свет.

257. Зӧр нянь — омӧль нянь, ид нянь — джын нянь, рудзӧг нянь — тыр нянь.

258. Бӧрдӧмыд оз кокньӧд, синваыд оз отсав.

259. Нэмтӧ кӧ повны и не овны.

260. Олӧмтӧ олӧм абу потшӧс вуджӧм.

261. Коді шог эз аддзыв, сійӧ немтор оз верит.

262. Быд мортлӧн кыткӧ-мыйкӧ оз судзсьы.

263. Туяд аскӧдыд керкатӧ он новлӧдлы.

264. Ветлысь-мунысь мортыд уна юысь васӧ юӧ.

265. Ветлӧм-мунӧм морт некытчӧ оз йӧрмы.

266. Няньыд туяд некор оз мешайт.

267. Роктӧ, выйтӧ ас понда эн видз.

268. Коді оз висьтась, сійӧ омӧльджык омӧль мортысь.

269. Кор мывкыдыд бур, сэк гӧныс вылӧ оз видзӧдны.

270. Тӧлка велӧдас, дурак дӧзмӧдас.

271. Лёк кӧзяйкалӧн пачыс няньсӧ виӧ.

272. Дзескыд кӧ — мун ас нянь-сов вылӧ пет.

273. Кулӧм бӧрад горзӧмнад он ловзьӧд.

274. Кулӧмӧс он ловзьӧд, дуракӧс он велӧд.

275. Мывкыдаӧс ыстан — ӧти кыв висьтав, дуракӧс ыстан — куимӧс висьтав дай ачыд бӧрсьыс мун.

276. Уджйӧзлы сов оз ков.

277. Дай бог сетны, не дай бог босьтны.

278. Эшкын (шебрас) серти нюжӧдчы.

279. Ӧтлаын олігӧн и кык гырнич тармунлӧны.

280. Код дінын олан, сэтшӧмӧн и лоан.

281. Бур кӧсйӧм лёк вӧчӧмысь бурджык.

282. Эн видзӧд чужӧм вылӧ — видзӧд сьӧлӧм вылӧ.

283. Мунан туйыд паськыд, а воаныд — векньыд

284. Эн уна думайт (кӧсйы), этшаыс оз ло.

285. Унджык кывзы, а этшаджык сӧр.

286. Сійӧс важӧн нин мӧдаръюгыдын пӧнарӧн корсьӧны.

287. Кывтӧ пыдынджык кут.

288. Эмлуныд ӧд сёр вылад, а убожьеыд сой вылад.

289. Олӧмыд катшалӧн майӧг йылӧ пуксьылӧм кузя.

290. Кӧн он кӧсйы шойччыны, сэн лоӧ узьны.

291. Мудеркӧд эн тӧдмась, ас кодь ёртӧс корсь.

292. Коді бурӧс шуас, сійӧс не козьнавны, коді омӧль шуас, сійӧс не сьӧлавны.

293. Неудачатӧ куим удачаӧн он вуштышт.

294. Шогсьыд он пышйы ни он дзебсьы.

295. Вӧвлӧмторйыс — кольӧма, ковтӧмторйыс — вӧлӧма.

296. Мый вӧлӧма — ставыс кольӧма.

297. Сійӧ кызь во нин лӧсьӧдчӧ кувны да век на ловъя.

298. Уна и колӧ мортыдлы пословицы — куим аршин му.

299. Олан, олан дай кулан, быттьӧ эн и вӧвлы.

300. Морт сьӧлӧмыд абу галяиз.

301. Эн чӧж, гортъяд он ну, кулан да ставыс кольӧ.

302. Том олӧм муніс — эз прӧщайтчы, пӧрысьлун воис — эз юав.

303. Пессян, пессян нэмыд, дай кулан, кулан дай быран.

304. Ю, сёй, гажӧдчы, райыд дыр на оз во.

305. Сёй солӧнджык — кулан да он сісьмы.

306. Пыр кулысьыд сё во олӧ.

307. Шуд да шудтӧм ӧти доддьын ветлӧдлӧны.

308. Бедасьыд он пышъяв, йӧз вывті жӧ ветлӧ.

309. Татшӧм олӧм дорсьыд бурджык ваӧ пырны (важ).

310. Лоӧ кӧ нянь да ва, тшыглы он кув.

311. Мам йӧлыс на вомдорас косьмытӧм.

312. Мам йӧлыд на вомдорад, вывті эн куражитчы.

313. Важ йӧзлысь кывсӧ он вуштышт.

314. Пӧрысь морт — ӧтарӧ мунан морт.

315. Пӧрысьӧс эн ӧбӧдит, ачыд пӧрысьман.

316. Пӧрысь морт весьшӧрӧ оз висьтав.

317. Кокньыда нажӧвитан — кокньыда и прӧживитан.

318. Кӧть кутшӧм да аслам.

319. Куим кока да аслам вӧв.

320. Йӧзыд азя шыдтӧ оз сёйны.

321. Некор эн радлы йӧз шог вылӧ.

322. Йӧзлысь шогтӧ мунігмоз шогалан.

323. Йӧзӧс видӧ, ачыс сійӧ жӧ вӧчӧ.

324. Йӧзлысь йики аддзӧ, аслыс кер синмас пырӧ, да оз аддзы.

325. Йӧзлы гу эн кодйы, ачыд усян.

326. Йӧзсӧ ёна тӧдӧ, асьсӧ оз помнит.

327. Йӧзӧс бӧрддзӧдан, аслыд ковмас бӧрдны.

328. Йӧз пос улӧ лэбынтӧ эн тшукъяв.

329. Йӧз нянь вылӧ вомтӧ эн паськӧдлы.

330. Йӧз киад няньыд век мавтасаджык.

331. Йӧз туй вылӧ лэч эн сиав, ачыд шедан.

332. Йӧз рынышысь нинӧмла кольтаяс лыддьыны.

333. Йӧз вылӧ видзӧдӧмӧн ва шӧрӧд кылалан.

334. Йӧз вӧв вылысь няйтӧ усян.

335. Пӧсь ӧгыр вӧдитны сӧмын йӧз киӧн лосьыд.

336. Эн серав йӧз вылӧ, ачыд серамтуйын.

337. Асьтӧ ачыд эн ошкы, ошкыны кӧ йӧз ошкас.

338. Йӧз сёрни вылӧ эн видзӧд.

339. Ачыд ов да и мукӧдлы лэдз овны.

340. Мыйысь йӧзос сералан, сійӧ ас вывтіыд мунас.

341. Эн серав йӧзӧс, пиньсьыд еджыд он ло, синкымсьыд вылӧ он кай.

342. Эн шыблав йӧзлы изйӧн, аслыд веськалас плешкад.

343. Мый аслыд он желайт, сійӧс и мӧдлы эн желайт.

344. Коді пыр пӧръясьӧ, сійӧ пыр енмасьӧ.

345. Лёк мортлы честьӧ он усь.

346. Сетӧмтортӧ ӧд и Микӧла босьтас.

347. Ме эськӧ тэд содті мывкыдтӧ, да аслам этша.

348. Синтӧм уна аддзӧ, пельтӧм уна кылӧ.

349. Быдӧнлысь вомсӧ он тупкы.

Природа да кад йылысь

350. Шонді югыдыс ӧд паськыд.

351. И шонді оз ӧткодя шонты быдӧнӧс.

352. Кад быдтор бурдӧдысь, кад быдтор шыльӧдысь.

353. Кольӧм кадтӧ бӧр он бергӧд.

354. Рытын асъя оз сьывлыны.

355. Корсьӧ тӧрытъя лунсӧ.

356. Мый нӧ няйт кӧ, тавося на ӧд.

357. Кысянь тӧв пӧльтӧ, сэсянь и зэр локтӧ.

358. Кокни овтаса мортлӧн юрас тӧв ветлӧ.

359. Гожся луныд йӧлӧн-выйӧн исковтӧ.

360. Гожӧм заптӧ, тӧв дзимлялӧ.

361. Асъя шондіыс кӧ оз шонты, рытъя шондіыс оз нин шонты.

362. Арся луныд кӧч бӧж кузя.

363. Лун кежлӧ кӧ мунан, няньтӧ кык лун кежлӧ босьт.

364. Кадыд и сирӧд мырӧс сісьтӧ.

365. Кыкысь помся гожӧм оз овлы.

366. Ар бӧрын гожӧм оз пуксьывлы.

367. Кӧдзыд кӧ, абуджык лӧддзӧсь.

368. Мӧд во, та кадӧ.

369. Тӧв пожнад эн пожнась.

370. Ыджыдвидз видзалан да и ыджыдлун воас.

371. Кӧдзыд дырйи пач да пась, шоныд дырйи — пӧгреб.

372. Синсьыс би петӧ.

373. Тырмас сэн полӧй моз бузгыны.

374. Дзодзӧг бӧж сайын лым тыдалӧ.

375. Тӧв пӧльыштас — туйяс дзебас.

376. Эштӧма, кольӧм тӧвся лызь туйӧдыд мунсьӧма.

377. Ойдысь ютӧ он потш.

378. Визув ю лӧнинті оз визувт.

379. Лӧнь ва джумйын кульяс олӧны.

380. Ӧтар берегысь йӧткысис, мӧдар берегас эз во.

381. Ывлатӧ он вермы ломтыны.

382. Ичӧт эськӧ ва вӧйт, да из писькӧдӧ.

383. Пожйӧн ватӧ он пыртлы.

384. Сэтчӧдз уна ва на визувтас.

385. Кутшӧм ва кузьта кывтан, сэтысь и васӧ юан.

386. И ва гудыртчылӧ да бӧр сӧдзӧ.

387. Ва вуджӧм бӧрын нинӧм нин ваысь повнысӧ.

388. Ва кӧ воссяс и ӧбед вежсяс.

389. Посни шоръясысь ыджыд юяс артмӧны.

390. Кытчӧ ва вӧлӧма, сэтчӧ вӧлас на.

391. Море оз косьмы гӧп моз.

392. Киссьӧм ватӧ он курышт, гырддза помтӧ он йирышт.

393. Лӧнь ва вылын унджык шактарыс.

394. Таладорын донъясь да вӧлись мӧдлапӧлӧ вудж.

395. Абу кӧ шуӧма — ваӧ он вӧй, биын он сотчы.

396. Сы вылӧ оз позь надейтчыны тувсов йи вылӧ моз.

397. Ва пыдӧстӧм, би милӧстьтӧм.

398. Сійӧс кош ваад он на пӧдты.

399. Ставыс кӧ вӧлі шыльыд, эськӧ гӧраяс эз вӧвны.

400. Абу ӧд сёй, он ньӧдзды.

401. Миртуй вылӧ турун оз быдмы.

402. Земля-матиыд паськыд, ставӧн тӧрам.

403. Муыслӧн вуг кӧ эм, мусӧ бергӧдас, пос кӧ эм, небесаас чапасяс.

404. Тэ бӧра-водза турун кодь.

405. Гумыс тӧвйӧма нин (мудер морт).

406. Кӧні би, сэні и тшын.

407. Тшынтӧ он потш (кутны он вермы).

408. Биӧн эн вӧрс — сотчан.

409. Дор кӧ эм и шӧрыс эм.

410. Кос пулысь лисӧ куляс (ылӧдчысь морт).

411. Лиыд кор усьӧ, сэки и куль.

412. Вӧрӧ пескӧн оз ветлыны.

413. Вӧрад и пуыс абу ӧткодь.

414. Веськаліс, кыдзи тай сюмӧд би водзын.

415. Сюмӧд кусыньтчӧ кильлань, а горш морт век кыскӧ асланьыс.

416. Битӧг тшын оз овлы.

417. Муніс кытчӧкӧ да, буракӧ, керка пуктіс (дыр ветлысь йылысь).

418. Шоныдысь лыыд оз чегъясь.

419. Ньӧжйӧн кӧ ловпу нюкыльтчӧ, а крутӧя и льӧм пу чегӧ.

420. Нёра пу он веськӧд, лёк (омӧль) мортӧс он велӧд.

421. Дзик винёв пу кодь.

422. Дзуртан пу нэмсӧ дзуртӧ, а няргысь морт нэмсӧ няргӧ.

423. Пӧжтӧгыд мегыртӧ он кусыньт.

424. Кос лыс кодь ӧзйысь (друг пузьысь морт).

425. Сирӧд мыр моз пыксьӧ, лёк вӧв моз бӧрыньтчӧ.

426. Некутшӧм пу йывсяньыс оз пӧрӧдлыны.

427. Турун сарайӧ виласӧ сутшкалӧ (корасьны лӧсьӧдчӧ).

428. Куш кинад лежнӧгтӧ он босьт.

429. Кос кыддзысь зарава оз вияв.

430. Пипу мича да сьӧлӧмыс сісь.

431. Рач рачкӧд жынӧдчӧ, корӧсь корӧськӧд кильӧдчӧ.

432. Сійӧс велӧдны да ловпу нюкыльтны ӧткодь.

433. Тэ веськыд — мегыр кодь.

434. Кутшӧм вӧр-пу, сэтшӧм и ув-бадь.

435. Бонзьӧм пуӧ сир йиджӧ пыдӧджык.

436. Сы ыджда быдмӧмыд, кералан кӧ кык сыв пес артмас.

437. Пу кӧ вужъяссӧ оз лэдз пыдӧджык, юрнас оз лэптысь вылӧджык.

438. Шырбиысь ягыд оз сотчы. (Шырби — светлячок).

439. Мусьыс улӧ он усь.

440. Из кыптіс, шом вӧйис.

441. Тайӧ ӧд абу из керавны.

Вӧр-ваын олысьяс да гортса животнӧйяс йылысь наблюдениеяс

442. Чирк моз эн чеччав.

443. Дзодзув кодь сюсь.

444. Лягу шалы чойгорув чеччыштны удайтчӧма (удача).

445. Нидзувсьыд рок он пу.

446. Сылысь кыввужсӧ номыръяс гильӧдӧны (сӧрысь морт).

447. Тӧрӧкан кузь сюра да некодӧс оз люкав.

448. Быд тӧрӧканысь нинӧм повны.

449. Кыдз гутъяс ма дінӧ лемасьӧны.

450. Синтӧм гут моз пыран.

451. Быд гут бӧрысь нӧшкӧн он вӧтлысь.

452. Шыльӧд, бобӧ, юртӧ, сырчик мед пуксяс.

453. Сійӧ ӧд тӧвйылӧм вӧробей нин.

454. Кутш кодь сера, варыш кодь бордъя.

455. Лыйтӧм лэбачтӧ эн кушты.

456. Пыста кокысь гос он пычкы.

457. Рам морт сьӧла кодь.

458. Гулюлы варыш гыж оз пет.

459. Бергалӧ майӧг йылын катша моз.

460. Катша моз катшъялӧ, юртӧм петук моз чеччалӧ.

461. Эн, рака, чепсась, бордйыд чегӧ.

462. Повзьылӧм рака кустысь полӧ.

463. Омӧлик лэбачлӧн омӧль и сьыланкыв.

464. Лэдзан пышкай ыджда, быдмас мӧс ыджда.

465. Ветлан пӧткалӧн кокпыдӧсыс куш да кынӧмыс пӧт.

466. Сьӧла лэчкад ошкыд оз шед.

467. Лыйтӧм сьӧлатӧ эн кушты, кыйтӧм оштӧ эн куль.

468. Лысӧм пӧтка кодьӧдз омӧльтчӧма.

469. Гӧныд нин усьӧма, лысӧмыд нин.

470. Эн на лый, а гӧнсӧ куштан нин.

471. Кыйтӧм дозмӧрсьыд шыд он пу.

472. Дозмӧрлы кӧть код ягын лыстӧ кокавны ӧткодь.

473. Эн кӧ кут бордйӧдыс, он нин кут гӧнӧдыс.

474. Кӧрдорын уджалысьыдлӧн позйыс кӧклӧн кодь.

475. Бордтӧгыд он лэбав.

476. Бордсӧ колӧ вундыны да некодлы.

477. Сійӧ тэд висьталас пожӧм йылысь тури.

478. Бордйыв кыпӧдчӧм пӧтка аслыс поз вӧчӧ.

479. Кывйыд абу утка, лэбзяс — он кут.

480. Чери кыйысьыд — прамӧй каля.

481. Варышӧс варыш вартіс.

482. Сера бордъя варыш кодь.

483. Варыш варышлысь синсӧ оз перйы.

484. Тӧвйыв варыш гычкӧд абу гозъя.

485. Кырнышӧс оз аддзы, а байдӧглысь синсӧ аддзӧ.

486. Кырныш кырнышлысь синсӧ оз кокышт.

487. Кырныш ассьыс оз аддзы сьӧдлунсӧ, гогын ассьыс оз аддзы чикльӧссӧ.

488. Пӧрысь дзодзӧг новлӧдлӧ томъясӧс куим-куима море сайӧ.

489. Дзик жӧ нин тайӧ нылыс катша кодь.

490. Мортыд абу пӧтка гӧн — кымын дыр олӧ ӧти местаын, сымын пыдӧджык вужъясьӧ.

491. Менсьым юр вемӧс катша эз на кокав.

492. Сійӧ оз на кыштӧ кокышт.

493. Киыд дрӧжжитӧ, петук юр кералін али мый?

494. Сёрӧм улӧ шыр абу на лямавлӧма.

495. Шыр налькйӧс оз кыйлывлы.

496. Шыр ичӧт да быдса мешӧкъяс новлӧ.

497. Шырлы кӧ бӧж вылас тальччан, и сійӧ песовтчас.

498. Кык Иван, да шыр оз пов.

499. Тыра йӧртӧдын шыр тшыглы абу на кувлӧма.

500. Нянь бердӧ шыр век волӧ.

501. Сійӧ рам: шыр вомысь би оз куж босьтны.

502. Шырлы канькӧд не косясьны; шыра каньон бара вӧрсад.

503. Олӧны зэв бура: шыр да кань моз.

504. Кодарӧ уркай мунӧ, сылань и ур вешйӧ.

505. Лыйтӧм урӧс эн куль.

506. Лым еджыд, да понъяс пакӧститӧны.

507. Кӧч эськӧ и тэрыб, да грӧш доныс.

508. Кӧчлӧн кодь сьӧлӧмыс, куканьлӧн кодь морттуйыс.

509. Гымгаӧ кӧчыд оз пыр.

510. Вунӧдчысь мортлӧн кӧч бӧж кузя паметьыс.

511. Кӧч — зверь, да некодӧс оз сёй.

512. Сӧмын кӧч ассьыс пиянсӧ вайсьӧм бӧрас эновтӧ.

513. Небыд бӧжа да сир пиня.

514. Кык кӧч бӧрся вӧтчан — ӧтисӧ он кут.

515. Пондан кӧ быдӧнысь повны и кӧч повзьӧдас.

516. Кӧч моз чепӧсъян да пуӧ люкасян.

517. Полысь мортто кӧч повзьӧдас и кычанпи пурас.

518. Пельӧсас туланыс кайліс да кутныс эз куж.

519. Ён кӧр кодь тэрыб.

520. Улльӧв голоса, кӧр задъя (лёк морт).

521. Эн ошйысь, ошкӧ пӧран.

522. Ай ош энь ошкӧс абу на сёйлӧма.

523. Ош ассьыс пиянсӧ абу на сёйлӧма.

524. Сійӧ чарӧмвывса ош кодь скӧр.

525. Ошкысь кӧ повны, нинӧм и овны.

526. Ош мӧскӧс косялӧ и ачыс буалӧ.

527. Ошкысь повзьӧм мортыд и мырйысь повзяс.

528. Полысь мортлы быд мыр ошкӧн кажитчӧ.

529. Чер тышкӧн ошкӧс оз вилыны.

530. Вирвыв ош кодь скӧр, либӧ мерлинавыв ош кодь скӧр.

531. Коркӧ и ош вылӧ кор усяс.

532. Кык ош ӧти гуӧ оз тӧрны.

533. Жӧник кӧ абу, ош сайӧ он сет.

534. Пӧсь на кӧк туйыс да ылын бӧж йылыс.

535. Кӧинӧс дзик нинӧмысь радейтны.

536. Мый омлялан кӧин моз?

537. Кӧинлӧн зарок быдӧнлы тӧдса.

538. Кӧинъяскӧд овны — кӧин моз и омлявны.

539. Кӧинӧс верд кӧть эн, сійӧ пыр вӧрӧ видзӧдӧ.

540. Кӧин кодь горш.

541. Яй кӧ колӧ, кӧин борся вӧтчы.

542. Кӧин кӧинӧс и тӧдӧ.

543. Кӧинӧс кокъясыс вердӧны.

544. Кӧинӧс ыжкӧд овны он велӧд.

545. Кык кока кӧин нёль кокаысь оз торъяв.

546. Чӧскыд эськӧ чериыд да юрыс сылӧн пыдын.

547. Черитӧ бӧждорнад он кый.

548. Быд крукӧн черитӧ он крукав.

549. Сир пиньысь зорӧд пинь он вӧч.

550. Чериӧс ваын он пӧдты.

551. Абу ставыс чери, мый ваын уялӧ.

552. Самыс бур, да чериыс абу.

553. Сирыс быри, да пиньыс коли.

554. Сир юр вильӧдӧмыд гӧль кумӧ пыралӧм кодь.

555. Донтӧм черилӧн юкваыс кизьӧр.

556. Гыч моз кызӧма, ош моз тшӧгӧма.

557. Быд чери лыа, лытюм чери оз овлы.

558. Йӧрш кодь ёсь, щӧтясьӧ.

559. Ӧти йӧршысь позьӧ и комын ведра юква пуны.

560. Чериыдлӧн пыдын юрыс, сійӧ ассьыс сёйӧ.

561. Ыджыд тай, кылан, чери.

562. Мынан чериыд век ыджыд.

563. Гудыр ваысь чери кыйны лӧсьыдджык.

564. Кань мелі, да гыжйыс чорыд.

565. Каньтӧг шыръяс йӧктӧны пызан вылад.

566. Кань моз олӧны.

567. Пӧрысь кань моз кургӧ.

568. Лёк мортлы каньӧн синмас он чеччышт.

569. Каньӧн он чеччышт синмас, шӧвк козин он козьнав.

570. Кань козинӧн эн козьнась.

571. Буракӧ, сьӧд кань на кості мунӧма.

572. Бӧжсӧ чукыльтіс да пышйис.

573. Кукань сёйысь пон оз нин сійӧс чӧвт.

574. Пон увтӧ, а аргыш (кӧр чукӧр) век мунӧ.

575. Понлы кутшӧм гӧн петӧма, мӧд гӧн оз нин пет.

576. Лёк понйӧс верд кӧть эн, сійӧ пыр увтчӧ.

577. Пон Моз жӧ корсьысьӧ.

578. Мыйкӧ нюмъялан, кӧсӧй понлы моз ӧмӧй удайтчис урӧс аддзыны.

579. Кык понйӧс ӧти шыд гырничысь он верд.

580. Понлы понлӧн и места.

581. Пӧрысь пон ройӧ оз увт.

582. Увтчысь понйысь оз повлыны.

583. Код понлы кусӧктӧ шыбитан, сійӧ пон и пурас.

584. Ыджыд пон пыдіджык пурыштас.

585. Гусьӧн пурсьысь пон ёнджыка курччасьӧ.

586. Нырисыс вӧралысь понлӧн кодь.

587. Тшыг пон кодь горш, кӧин кодь пакӧстлив.

588. Пӧрысь пон сійӧ и эргӧ, мый пиньыс ныж.

589. Горш понлӧн дулльыс пыр вӧйталӧ.

590. Лы шыбиттӧдз понъяс пыр другасьлӧны.

591. Бур кӧзяинлӧн гортысь понйыс некор оз пышйыв.

592. Сійӧс понйӧн корсьтӧг он аддзы.

593. Кытчӧ юр, сэтчӧ и кок.

594. Кӧні юрыс, сэтӧн и бӧжыс.

595. Кольк кыш пиысь эн на лыддьы чипан пиянтӧ.

596. Кольк чипансӧ оз велӧд.

597. Ставыс миян эм, чипан йӧлысь кындзи.

598. Петуклысь йӧв эн лысьты, порсьлысь кукань эн виччысь.

599. Юртӧм петук моз чеччалан.

600. Чипан ӧти тусьӧн кокалӧ да век пӧт.

601. Кутшӧмкӧ ыж висьӧм кӧласис (кызӧм).

602. Ыжыд кӧ абу, нинӧмла гид стрӧитны.

603. Баляӧс кӧть верд кӧть эн, козяйкасӧ век видӧ (баксӧ).

604. Ыж яйысь юква он пу.

605. Ыж моз чатрасьӧ.

606. "Кысь"-ыс гидын (кысь — ыж).

607. Гидысь петавтӧм ыж кодь.

608. Ыж моз ылалӧ, кӧч моз падмӧ.

609. Кучкӧм порсь моз зуйялӧ.

610. Мелі кукань кык мӧскӧс нёнялӧ.

611. Тувсов кукань моз ывлаын ризъялӧ.

612. Мӧс улын кольк оз пӧжлыны.

613. Мӧссӧ кӧ сёйин, куканьсӧ нинӧм нин жалитны.

614. Мӧскыдлӧн йӧлыс кыв помас.

615. Лысьтан мӧскыд выйӧн лысьтӧ.

616. Мӧс дінӧ ясли оз вӧлывлы.

617. Мӧс кӧ кутан видзны — карта-пос лӧсьӧд.

618. Кӧнкӧ эськӧ грӧш вылӧ мӧс шедӧ, да вайигас кык бырӧ.

619. Коді скот видзӧ, сылӧн и ускӧттьӧ овлӧ.

620. Ӧти мӧслысь кык кучик он куль.

621. Люкасьысь мӧслы ен сюрсӧ оз сет.

622. Час аски, аски бӧрын бара аски, сэсь аскомысь турунсӧ мӧскыс нин сёйӧма.

623. Мӧс кулӧм бӧрын турун оз пуктывлыны.

624. Кулӧм мӧскыд пыр йӧладжык овлӧ.

625. Сійӧ мӧскӧс сийӧсалас (мудер морт).

626. Мый нӧ нюмъялан приданнӧй мӧс моз?

627. Ӧти мӧс пакӧститас да дас морт лякӧссяс.

628. Чож вӧвлы плеть оз ков.

629. Вердтӧм вӧвнад ылӧдз он мун.

630. Вӧлӧс вӧтлы зӧрйӧн, а эн зорйӧн.

631. Козьналӧм вӧвлысь пиньяссӧ оз видзӧдны.

632. Вӧлыс кӧ лоас — сийӧсыс лоас.

633. Вӧлыд кӧ эм, домыд лоӧ нин.

634. Пӧрысь меринтӧ он пӧръяв.

635. Бӧжтӧм вӧвнад он мун.

636. Бур вӧвлӧн доныс оз усь.

637. Зарока вӧвлӧн зарокыс оз чин, а содӧ.

638. Бур нывлы слава, а бур вӧвлы дон.

639. Зарока кык вӧв вылӧ ӧти зароктӧм вӧв оз сетны.

640. Вӧвтӧ кӧ он верд и мыртӧ он берт.

641. Кытчӧ вож, сэтчӧ и бӧж.

642. Омӧль вӧлос сийӧсыд зыртӧ.

643. Вӧлыд сола тшак эз сёй, ваавнытӧ эштан.

644. Вӧв нёль кока, да и сія джӧмдалӧ.

645. Дыш вӧв моз мегыр пыр видзӧдӧ.

646. Дыш вӧвлӧн сийӧсыс пыр дойдӧ.

647. Дур вӧлӧc пыр кӧртвомӧн видзӧны.

648. Мый шыннялан вӧв моз.

Разнӧйпӧлӧс

649. Карта сайӧ сӧмын нявда турун быдмӧ.

650. Быд сиысь гез он гарт.

651. Код дозйӧ дьӧгӧдь пуктылан, сэсь дукыс век нин кылас.

652. Тшап да мед он доймы.

653. Ачыд панін, ачыд и кы.

654. Локтігмоз сикт кузялаыс гӧри (дыр ветлі).

655. Бӧжтӧ кӧ нюжӧдан, ачыд и новлӧдлан.

656. Лӧз гын вывті нинӧм чотны.

657. Аддзин — эн радлы, воштін — эн шогсьы.

658. Из улӧ ва оз визувт.

659. Юрыс эськӧ ыджыд да юрас нитш.

660. Лӧж кӧ — кусӧ, оз выльмы.

661. Сӧрӧ, мый вомсьыс петӧ.

662. Кывйыс да делӧыс лэбын моз вожалӧ.

663. Небыда вольсалӧ да чорыд узьны.

664. Код видзӧдны рам, сійӧ пыдӧджык пурыштас.

665. Дорын узьлыны велӧдас.

666. Оз кӧ нӧйтны, эн горзы.

667. Лукавӧйысь молитваӧн мынан, омӧль мортысь некыдз он мын.

668. Синма-ныра костысь воши.

669. Пыдӧстӧм пельсатӧ он тырт.

670. Кутшӧм рок пуан, сэтшӧмӧс и сеян.

671. Пыдӧ кӧ пуктан, матысь босьтан.

672. "Пасибӧысь" пась он вур.

673. Ньӧжйӧн кӧ мунан, ылӧджык воан.

674. Тыртӧм бочка пыр гораджык.

675. Чер тыш плешкӧн он жугӧд.

676. Мый гижӧма перӧӧн, он керав черӧн.

677. Выль рос пырджык мичаа чышкӧ.

678. Абу ставыс зарни, мый дзирдалӧ.

679. Кутшӧма кисьтан, сэтшӧма и юан.

680. Кутшӧма вольсалан, сэтшӧма и узян.

681. Абулы и суд абу

682. Кынӧм мортӧс быдтор вылӧ велӧдас.

683. Абу яндзим чӧв овны, кодыр нинӧм висьтавны.

684. Кутшӧм вужйыс, сэтшӧм и баддьыс.

685. Мач оз инмы копыртӧм юрӧ.

686. Коли сӧмын ваӧ пырны.

687. Рысь либӧ йӧвва, кодыс кӧ лоӧ жӧ.

688. Мышкӧ шыбитан — водзӧ усьӧ.

689. Ветлім нинӧмла, вайим нинӧмӧс.

690. Дядьӧыдлы ӧд зептас он пырав.

691. Нянь-сов дінад гутыд век пуксяс.

692. Абу мыжа вина, мыжа юысьыс.

693. Сёйӧм — сёйӧм вылӧ лӧсялӧ, нӧйтӧм — нӧйтӧм вылӧ оз лӧсяв.

694. Пӧсь пиньтуйыд оз тӧдчы.

695. Кытысь локтін — сэтчӧ и мун.

696. Ён кылӧн кытшовті, а некысь нинӧм эг аддзы.

697. Ак тэ, ен кӧк сёйысь.

698. Ӧтчыд кӧ велӧдасны, мӧдысь он кор.

699. Кыдз нӧ абу рӧдня: дедъяс ӧти шонді водзын нямӧдъяссӧ косьтылӧмаӧсь.

700. Абу этша, абу уна, а тырмымӧн.

701. Вылӧ каян да улӧдз усян.

702. Налӧн гӧгсюрӧсныс ййтчӧма (дружитӧны).

703. Этшаӧн босьтчыны, унаӧн дугдыны.

704. Бӧрйысяс, бӧрйысяс да бӧр кокас и воас.

705. Нянь-сов сёй, а кыдзи вӧлі висьтав.

706. Сизимпӧв муртав, да ӧтпыр вунды.

707. Вӧччӧдан кӧ, и мыр лоӧ мича.

708. Локта эськӧ тіянӧ, да бӧжӧй кузь (челядь уна).

709. Унджык сёй, этшаджык сёрнит.

710. Шуан — шуӧма лоӧ, он шу — терпитны он вермы.

711. Бӧрдтӧм кагаӧс оз качайтлыны.

712. Мыйысь скӧрман, сыысь и бурасян.

713. Висьӧм пырӧ пудйӧн, петӧ зӧлӧтникӧн.

714. Исаклы помечалім.

715. Курыдӧс кӧ он видлы, чӧскыдӧс он тӧдлы.

716. Пӧлӧс морт вылын паськӧмыд пӧлӧс.

717. Тшыг кынӧмтӧ тувйӧ он ӧш.

718. Сэтшӧм чӧскыд, кывтӧ ньылыштан.

719. Тшыг син лэчыд.

720. Кынӧмтӧ он пӧръяв.

721. Кынӧмтӧ тувйӧ он ӧшӧд, пиньястӧ джадж дорӧ он пукты.

722. Мунны абу окота, да кынӧмыд тшӧктӧ.

723. Йӧз няньыд курыда пырӧ.

724. Йӧз нянь вылад ёна оз горзьӧдлы.

725. Гортын овны — нянь абу, карӧ лэччыны — туй абу, вӧрӧ каян — вошан, ваӧ пыран — пӧдан, муӧ пыран — лёльӧ сёяс.

726. Голя кӧ эм, петляыд век сюрас.

727. Няньтӧг-совтӧг омӧль пукалӧм.

728. Нимкодь лои, быттьӧ дзоля корысьлы сетісны ыджыд милӧстина.

729. Вердіс шобді няньӧн да мышкуӧ кирпичӧн.

730. Пӧт морт тшыг мортӧс оз гӧгӧрво.

731. Тшыг ли пӧт, некӧд оз тӧд.

732. Важ сола вылад оз юктав.

733. Ёна лоӧ юрлӧсыдкӧд вӧтасьны.

734. Ен нимнад рушкуыд оз пӧт.

735. Шог шогӧс корсьӧ.

736. Узигӧн ставыс вунлӧ.

737. Кӧні ми абуӧсь, сэні и лӧсьыд.

738. Сёян пиньтӧ джаджйю он пукты.

739. Сылысь, китӧм изкилысь, эн кывзы.

740. Эн серав, пиньсьыд еджыд он ло.

741. Паньтӧ пеляд он ну.

742. Эськӧ рад гырддзатӧ курччан, да он судз.

743. Быдтор зептӧ оз шогмы пуктыны.

744. Ассьыс пӧртувсӧ пестыны кужӧ (пикӧ оз во).

745. Тіян лызьясыд век мавтӧмаӧсь (век дасьӧсь).

746. Налӧн оз кӧ нинӧм пузьы-а (нинӧм оз артмы).

747. Шыдтӧ азялӧм бӧрын казялін.

748. Солавтӧм шыдтӧ водзвыв эн паняв.

749. Мунӧм-ветлӧмлы пом оз во.

750. Петкӧдла ме тэныд гаж!

751. Петкӧдла ме тэныд кос кӧлеса да ва кӧлеса.

752. Важ сола вылӧ оз юсьы.

753. Код чунь курччан, сійӧ и доймӧ.

754. Задйӧ кӧть мышкуӧ кучкы, ӧтлаӧ инмӧ.

755. Медбӧръя кывтӧ медводз эн шу.

756. Каменнӧй стена плешнад он пык.

757. Кывйыд курччысяс.

758. Мый тэнад кынӧмыд висьӧ.

759. Бура тай вашкӧдчан — вомтырнад.

760. Босьтан киыд оз мудз.

761. Ловъя клад сылы сюри.

762. Лёк йӧзлы вежавны, бур йӧзлы ошкыны, сук нӧк сёйны, сӧдз вый юны.

763. Козин любитӧ воча козьналӧм.

764. Сӧмын пӧсь ӧгыр куравны лӧсьыд йӧз киӧн.

765. Ветлін-мунін, йӧзӧс аддзылін, асьтӧ петкӧдлін.

766. Йӧзыдлӧн мый эськӧ абу да, сӧмын кытысь босьтан.

767. Код кутшӧм — сэтшӧмӧн и шуасны.

768. Тэкӧд ӧти пос вылӧ оз позь сувтны.

769. Код пос вылын пинясян, сы пос вылын и прӧститчыны лоӧ.

770. Кутшӧм баба, сэтшӧм и слава.

771. Мый мирлы, сійӧ и Матренлы.

772. Вӧв вӧтлысьыд век сюрас (гӧтыр).

773. Дӧмас дӧмысьыд, майбыр, сюрас (гӧтыр).

774. Аслад дӧрӧмыд ас яй бердад матынджык.

775. Зонлы нелямын ӧдзӧс восьса.

776. Нывлы ӧти ӧдзӧс восьса да сійӧ пу дзиръя.

777. Миян пӧ няньыс тэкӧд шӧрыштӧма, шыд-рокыд пусьӧма, межаыс юкӧма.

778. Мукӧдсӧ оз аддзыны, а сы вылӧ кывйыс пышйӧ.

779. Мун йӧз нянь-сов вылӧ.

780. Гӧтрасян да бабаыд ма лоӧ, а мамыд — ва.

781. Талун тай пӧтӧсь-а, аски, гашкӧ, ӧшинь улӧ йӧра воас.

782. Мынтыся мӧдаръюгыдын шомӧн.

783. Сетӧны кӧ — босьт, нӧйтӧны кӧ — пышйы.

784. Эм ырӧш да абу тэныд.

785. Пыран гӧстьӧс кӧ он гӧститӧд, петантӧ он нин.

786. Сой чегӧм бӧрад он керась.

787. Пыр серам да серам, сэсся синваӧдз и воан.

788. Ог эскы некодлы, аслам синъясысь кындзи.

789. Коктӧм ылӧджык воӧ, синтӧм ылысьджык аддзӧ.

790. Сьӧлӧмӧй шогсьӧ, абу бур водзын.

791. Юртӧ тай стенӧ он кучкав.

792. Уна думайтан, ӧдйӧ пӧрысьман.

793. Вомнад мый колӧ сӧр, а кырымнад эн вӧрӧд.

794. Кынӧмад кӧть нитш сӧвт, оз, небӧсь, тыдав.

795. Кырымыс кӧдзыд да сьӧлӧмыс пӧсь.

796. Шыд да рок — медбур вок.

797. Ассьыд пуктӧматӧ судзан, йӧзлысь пуктӧмторсӧ нинӧмла судзӧдныс (ичӧт тушаа морт).

798. Плеш вылас ӧд абу гижӧма.

799. Кынӧмсьыд вывті он сёй.

800. Кыті вӧсньыд, сэті и орӧ.

801. Эн пыр чеччав юртӧм петук моз.

802. Ме ыджда лакейсӧ эн на быдтыв.

803. Бур вӧчӧм бурджык мича сёрниысь.

804. Тэ лёк гӧр моз пытшкӧ пыран.

805. Асык вылӧ кӧ тувччан, коктӧ дойдан.

806. Кор лыа вылӧ турун быдмас, сэк и тэнад плеш вылӧ юрси быдмас.

807. Мыйӧн вӧрсан, сійӧн и дойман.

808. Кыввора морт быдлаӧ сибалӧ.

809. Кужан кӧ бӧрдны, куж и серавны.

810. Мучитчӧ, а оз кув.

811. Чӧрт ӧд эз тувъяв, ачыд пырин.

812. Ылалін, коньӧр, да кылалан нин.

813. Гашкӧ, кодкӧ кӧк шонтысь нин эм? (муса морт)

814. Кытчӧ мунан, сэтысь и локтан.

815. Кытчӧ водан, сэтысь и чеччан.

816. Ылӧджык вӧрӧ мунан, унджык пес аддзан.

817. Мый корсян, сійӧс и аддзан.

818. Горба мортӧс гу веськӧдас.

819. Кыдзи пуктасны, адзи и босьтасны.

820. Нинӧмсьыд нинӧм оз артмы.

821. Кодлы ӧд кыдзи колӧ, мукӧдыс и пывсянысь мунігӧн гыжъясьӧ.

822. Кӧть оз пет серам да серав.

823. Йӧз характер йылысь шулӧны: паськыд вома (оз куж гусятор кутны), кокни вома (ёрччыштлӧ), пеж вома (понъясьӧ), кокни вома, пызьтӧм азь кодь (абу серьёзнӧй), кокни киа (киӧн воӧ, нӧйтӧ), топыд вома (гусятор кужӧ кутны), гажа вома (ковтӧмтор висьталӧ), кыв новлӧдлӧ (ссхдтӧмӧн висьтавлӧ), кӧч ку лызь кодь (ӧтарӧ-мӧдарӧ сёрнитӧ), кизьтӧм вома (паськыд вома кодь жӧ), квайт чагъя (шуӧ, мый дум вылас усьӧ), квайт чуня (гусясьӧ).

824. Оз кӧ пузьы, он пузьӧд.

825. Бур сёрниӧн да мелі кывйӧн ставыс ладмас.

826. Небыд кывнас чегӧм лытӧ йитас.

827. Кывйыд му помӧдзыс нуас.

828. Яй кылыд лытӧм, быдног песласяс.

829. Вом тупкӧм бӧрын он сёрнит.

830. Пельтӧ вундӧм бӧрын он кывзы.

831. Пӧратӧг и блин оз пӧжась.

832. Эн пов, госыд оз сыв.

833. Тайӧ ӧд абу нинпу йирны (сьӧкыд удж).

834. Ошкис, ошкис, да доддьыс путкыльтчис.

835. Йӧйясӧс оз ков кӧдзны, асьныс чужӧны.

836. Пон вомсьыд няньтӧ бӧр он нин босьт.

837. Кынӧм пӧт, мышку нӧйттӧм.

838. Омӧльӧс кӧ он новлы, бурӧс он аддзыв.

839. Мый он виччысь, сійӧ и лоас.

840. Пыравлӧй миянӧ, кор ми тасаӧсь.

841. Сійӧ ӧд важ вичкокӧд ӧттшӧтшъя нин.

842. Овлывлӧ ставыс,— и сійӧ овлывлӧ, мый нинӧм оз овлывлы.

843. Чӧскыд кӧ — ньылышт, а курыд кӧ — сьӧлышт.

844. Выйыд синдор кӧтӧдмӧн абу.

845. Сы вылӧ кыв оз пышйы.

846. Оз эськӧ ю, нӧ галстук саяс киськалӧ.

847. Синма-пеля костысь гусялісны.

848. Вывті выйӧн эн сёй, синмыд бердас.

849. Ӧтик пельӧд пырӧ, мӧдӧд петӧ.

850. Кытчӧ тэ и сёян, тыртӧм мельнича моз изан.

851. Тэ кык бана шаньга кодь.

852. Том йӧз дінад пӧрысь морт томмӧ.

853. Чипанлы бӧж улӧдз, порсьлы лекйӧдз.

854. Кулӧмӧс лечитны да пӧрысьӧс велӧдны ӧткодь.

855. Шудтӧм мортлӧн шудыс чунь косттіыс ветлӧ.

856. Кор зептын эм, мем ставныс радӧсь.

857. Кыкысь ӧбедня ӧти лунӧ оз сьывлывлыны.

858. Вундӧм кокыд оз нин быдмы.

859. Мый корсян, сійӧ и сюрас.

860. Мешӧкад шылатӧ он дзеб.

861. Йӧйястӧ базарысь ньӧбны оз ков.

862. Коді мыйӧн висьӧ, сы йылысь и сёрнитӧ.

863. Синтӧмысь синтӧм, пельтӧмысь пельтӧм.

864. Скӧралысь морт ассьыс чуньсӧ курччас.

865. Сэтшӧма "дружитӧны" — ӧта-мӧдсӧ ваӧ тойыштны дасьӧсь.

866. Кывнас ӧтитор йылысь сёрнитӧны, а синъяснас мӧдтор вылӧ гоньялӧны.

867. Сійӧ прӧстӧ кывсӧ песӧ (сӧрӧ).

868. Пежъяслӧн пежтор йылысь и сёрниыс.

869. Ӧтилаті кӧ орис, мӧдлаті орас нин.

870. Вылӧ пуксьӧны да улысь чеччасны.

871. Нинӧмабутӧ некор он вошты.

872. Вылісянь пыр ылӧджык тыдалӧ.

873. Кык син костсьыд ныртӧ видз.

874. Тэнӧ пернаӧ он нин вермы пӧртны.

875. Лӧглы лӧгавны, бурлы вежавны.

876. Лёк морткӧд бурджык бурӧн.

877. Сюран киӧ — чукӧртан шог.

878. Сылӧн сӧмын дӧрӧмыс узьӧ.

879. Бур эськӧ, да квайт чуня.

880. Оз ю, кытчӧдз оз мыччыны.

881. Си пожйӧн пожналіс да йикинас и кӧтіс.

882. Сир пинь горшад.

883. Сійӧ сёрнитӧ, быттьӧ выя бордйӧн блин мавтӧ.

884. Сӧрис, быттьӧкӧ мавтыштіс.

885. Тайӧ талун табактӧм (абу сёрниа).

886. Сӧмын коли кайны пу йылӧ.

887. Паньтыр вир, вомтыр яй оз ло.

888. Шыд чугунад Микӧла коксӧ сюйлӧма (шыдыс косьмӧма).

889. Шаньга пӧжалігӧн кыдз он уллюнйӧсьтчы.

890. Водзыд кӧ кизя, мышкыд оз тыдав.

891. Кодлы славаыс, а кодлы и слабогыс.

892. Кутшӧм ен зэрис, сійӧ и косьтас (важ).

893. Ас керкаын ачым ыджыд.

894. Корысьыдлысь коран мешӧксӧ он гусяв.

895. Мед усян да он доймы.

896. Яй вылын быд сон бринякылӧ.

897. Беддьыд овлӧ пыр кык пома — кодарыс кодлы инмас.

898. Деньгаыд кӧ уна — мельнича лӧсьӧд (важ).

899. Няньыд кӧ уна — порсь лӧсьӧд (важ).

900. Нырас мунан — нырыс вӧйӧ, бӧжас мунан — бӧжыс вӧйӧ.

901. Кыті емыс — сэті и сунисыс.

902. Кыті вӧсни, сэті и оръясьӧ.

903. Важ сола вылӧ оз юсьы.

904. Воштысь мортлӧн дас грек, а гусялысьлӧн ӧтик.

905. Шӧрыштӧм шӧрӧм бӧр он йит.

906. Лэчыд кыв лэчыд пуртысь ёнджыка дойдӧ.

907. Чертӧг юр кералан, пурттӧг горш вундан лёк кывнад.

908. Бур кыв лы йитӧ, лёк кыв лы чегӧ.

909. Тэн мед нэмтӧ вевт ни пыдӧс оз ло.

910. Йӧй юрӧ вежӧр он тувъяв.

911. Ыджыд юрыд да ичӧт мывкыдыд.

912. Кытчӧсюрӧ эн сюйсьы, вомтӧ восьсӧн эн видз.

913. Йӧй морт шутёвтас, а тӧлка морт гӧгӧрвоас.

914. Коді бур кыв оз кывзы, нинӧм сылы и висьтавны.

915. Эн видзӧд чужӧм-рожа вылӧ, видзӧд мывкыд вылӧ.

916. Йӧйӧс кӧть дугдывтӧг велӧд.

917. Юрсиыс кузь да мывкыдыс дженьыд (важ).

918. Паньӧн паньӧдлан, вӧропнад тойлан.

919. Повтӧм ӧксы мӧс кодь (важ).

920. Тэ коми ӧксы кодь вылын (важ).

921. Вӧд тэ коми ӧксы морт (важ).

922. Ас кар вылын ачым ыджыд (важ).

923. Ӧтикӧс вылӧ, мӧдӧс вӧрйӧ.

924. Кытчӧдз келан, сэтчӧдз и кӧтасян.

925. Лӧгасян дай бӧр бурасян.

926. Ӧтка лолыд килльӧн пӧтас.

927. Телега любитӧ мавтас.

928. Эг ӧд лок потшӧс сюрӧс кузя.

929. Тасьті кӧ жугалас, сійӧс он йит.

930. Киссьӧм ва он курав.

931. Вина да сур дурмӧдӧны юр.

932. Кӧпейка дон юас, а чӧлкӧвӧй дон кодалас.

933. Унджык сёй да этшаджык тӧд.

934. Менам вӧлӧмӧн тіян ӧдзӧс дзирйыд оз на быр.

935. Оз места мичмӧд мортӧс, а морт местасӧ.

936. Чай пырыс Питер и Мӧсква тыдалӧ.

937. Чай юны — абу мыр бертны.

938. Сёйӧмыд мӧд муӧ оз вӧтлы.

939. Праздник ӧмӧй воӧма, ныр улыд волялӧ? (Шулӧны челядьлы).

940. Талунъя сёйомӧн зэвтӧм кынӧм аскинад оз нин брунакыв.

941. Кутшӧм баныс, сэтшӧм и гугыс.

942. Кузьысь дженьыд артмас, дженьыдысь кузь оз артмы.

943. Чурки-буди, мед он вомдзась.

944. Мӧскваын керасьӧны, а чагйыс татчӧ лэйӧзьӧ-усьӧ.

945. Кор ӧтнад: пыран — эм, петан — абу.

946. Ӧтиыдлӧн юр-бӧжыд кокньыд.

947. Ӧтиыдлы позьӧ вый пиын туплясьны.

948. Куим гӧн да век жӧ пась.

949. Дыр новлігӧн и шляпа гынмӧ юр сертиыд.

950. Мича чужӧм-рожалы кыкмында мывкыд колӧ.

951. Кутшӧмкӧ сэсся мичлун колӧ, вира-яя тай-а.

952. Ид тусьпӧлӧн невеста пӧтӧ.

953. Пывсяныд висигад бальзам моз лӧсялӧ.

954. Мича нывбаба йылысь шуласны: кучик пырыс яйыс тыдалӧ, яй пырыс лыыс тыдалӧ, лы пырыс вемыс тыдалӧ,

955. Мусукъясӧс ыдждӧдлӧны: Прокопея-Иллялуна кост вералан шондіӧй.

956. Нывъясӧс шулывлӧны: ӧмидз вомдоръяс да льӧм тусь синъясӧй, сьӧлӧмшӧръяс да ун пальӧдысьяс, шӧвк тугъясӧй да роч аканьясӧй.

957. Шань, шань шаньга да ӧтарыс мавтӧма.

958. Ыджыдсьыс ӧд ичӧтыс артмас.

959. Но и быдмӧма жӧ тшын гудралан туша.

960. Потӧм грӧш мында сылӧн доныс.

961. Из улысь аддзас, ва пыдӧсысь судзӧдас.

962. Тамыш морт кӧк улын, висьталӧны, мыръяс кыйӧдчӧны.

963. Сэтшӧм ӧдйӧ котӧртӧ, кокыс задъяс инмалӧ.

964. Котӧртӧ — кокыс муас оз инмав.

965. Воштытӧмторсӧ корсьысьӧ, аддзӧмторсӧ вошталӧ.

966. Роскавны сійӧс колӧ да некӧд роскалысьыс абу.

967. Уна пыр кӧсйысьлӧ да этша пыр вайлывлӧ.

968. Юрас тӧв ветлӧ, вежӧрас нитш быдмӧ.

969. Тамыш морт аслас кокӧ крукасьӧ.

970. Налӧн вашкӧдчӧмыс орчча сиктӧдз юралӧ.

971. Сійӧс эськӧ шоныд би-ва дорӧ эн нин казьтыв да.

972. Мыйкӧ тай би ни ва пукаланныд.

973. Сідз ладмӧны, весиг ӧти паньӧн сёйӧны.

974. Тэкӧд ӧти кылӧ воны — колӧ нёль пуд сов сёйны.

975. Сюсь мортлӧн водзас и мышкас синъясыс.

976. Визув мортлӧн муас кокыс оз инмав.

977. Эм кӧ виччысянторйыд, сэки и виччысьны позьӧ.

978. Буртортӧ и пӧч паметьӧн он вунӧд.

979. Чӧв олӧ, тыдалӧ, кывсӧ посводзас кольӧма.

980. Ус нин быдтӧ, а челядь моз на вилыпасьӧ.

981. Мый кузя эшкыныс, сы кузя и нюжӧдчан.

982. Бурысь-бурӧс корсян, да медся лёкас усян.

983. Сизимысь думышт да ӧтчыд гиж.

984. Кинад сетан, а кокӧн корсь.

985. Дасысь думышт да вӧлись висьтав.

986. Абу сёй монь, он ньӧдзды.

987. Абу зарниа, зарни оз вушйы.

988. Мавтасыд быдлаӧ лӧсялӧ.

989. Куим порогтӧ воськовтӧм бӧрын бӧр он нин бергӧдчы.

990. Тэнад вомсянь да ен пельӧ (бур юӧр йылысь).

991. Пон да порсь жӧ ӧд юксясны (наследникъясыс кӧ абу).

992. Ме сійӧс ас кӧк туйӧ сувтӧда.

993. Лёк кӧлеса ёнджыка дзуртӧ.

994. Сэтшӧм бур, доныс абу.

995. Видӧмыд абу тшын, синтӧ оз сёй.

996. Рынышыд сотчӧ (невестапусӧ коралӧны).

997. Кык син костад уна-ӧ яндзим тӧрас.

998. Код мортӧс быд тӧлӧн пӧрӧдӧ.

999. Нянь сёян вежӧрыд быдӧнлӧн тырмӧ.

1000. Верми кӧ, сэтшӧм мортыслысь висьӧмсӧ ас вылӧ босьті.

1001. Менам ӧти юрыс; кык кӧ вӧлі, ӧтиӧс вузавны позис.

1002. Он кӧ заводит и помсӧ он виччысь.

1003. Сетӧм кыв деньгаысь на донаджык.

1004. Кывнад изӧмысь пызьыд оз артмы.

1005. Мый бурӧн помасьӧ — ставыс бур.

1006. Морткӧд морт моз сёрнитӧны.

1007. Тшап мортлысь нырсӧ потшкӧн-майӧгӧн он-судз.

1008. Сы юрын тӧлыс частӧ вежласьӧ.

1009. Став вылас кӧзяин да ас вылас казак.

1010. Бурыс сы мында, бурысла пызаныс чегӧ.

1011. Пазйӧ пыртас, щельӧ йӧртас.

1012. Правдатӧ мешӧкӧ он дзеб.

1013. Куим пу костӧ вошӧма, карта саяс ылалӧма.

1014. Бур сёрниысь плешкад оз кучкыны.

1015. Кывтӧ пинь саяд куж кутнытӧ.

1016. Ачыс аслыс лёктӧ некӧд оз вӧч.

1017. Быттьӧ пӧжар вылӧ тэрмасьӧ.

1018. О, сійӧ ӧд Паль сотчан восянь нин миянӧ эз вӧлыв (важӧн).

1019. Сӧран кора додьтыр (пӧръясьысь).

1020. Ем йылын моз пукалӧ, ӧгыр вылын моз сулалӧ.

1021. Помка кӧ корсьны, помкаыд пыр сюрӧ.

1022. Вундӧм бӧрын он нин йит.

1023. Сера чача медмича.

1024. Быдтор вылӧ мастер — и пинясьны и вензьыны.

1025. Кулан турун кӧ ог сёй — ог кув.

1926. Любитан иславны, любит и дадьсӧ кыскавны.

1027. Вылӧ лыйлан да улӧ усян.

1028. Мунӧ — оз юась, локтӧ — оз висьтась.

1029. Кытчӧ пуксьылас, сэті и лякӧсьтас.

1030. Сӧрӧмысь дон оз босьтлыны.

1031. Ки-кокыс кӧ кӧдзыд, сьӧлӧмыс пӧсь.

1032. Важӧн ми вӧлім тэкӧд другьяс, а ӧні ми крукъяс.

1033. Вӧрлы честьӧ он во.

1034. Рама олӧ — гусьӧн пурӧ.

1035. Вылысыс мича да пытшкӧсыс мисьтӧм.

1036. Кузь киалӧн киыс оз дженьдаммы.

1037. Сутяжниклӧн да ябедниклӧн доныс ӧтмында.

1038. Быд мортлӧн пиньыс ӧтмында, нӧ оз ӧтмоза пинясьны.

1039. Киыд некодлӧн оз кабыртчы кимышлань.

1040. Ньӧжйӧ вӧран да ӧдйӧджык артмас.

1041. Кулі кӧ — куйлас, ӧтик кучик вылас, а мӧдыс пӧ улас.

1042. Ак тэ, ва вом, он куж висьтавны.

1043. Сылӧн ӧд вомас ва кынмӧма.

1044. Дышӧдіс эськӧ овнытӧ да ловтӧ ӧд он сьӧвзьы.

1045. Бӧрвылад казялан да некысь босьтныд.

1046. Кулӧм бӧрад век бур овлӧ.

1047. Уна кӧсъян да этшаыс оз ло.

1048. Узигад овлӧ меддолыд.

1049. Тэнад мудерлуныд ас дорсьыд водзджык чужӧма.

1050. Гажӧдчӧ йӧз дорын аслас зеп дорысь.

1051. Кор узьӧ, сэки бур.

1052. Вӧлыс бӧжтӧм, доддьыс вожтӧм.

1053. Мый тэныд деньгасьыс? Порсь ӧмӧй кӧсьян дорны?

1054. Озйыд дзоридзсянь тӧдчӧ.

1055. Кык кыла гымга, кык бана шаньга.

1056. Быд пысӧ сунис оз пысавны.

1057. Кӧтшастӧ кӧ ӧзтан, и сэрӧгыд сотчас.

1058. Пельвундысь кодь збой.

1059. Сэтшӧм пывсян тэныд сета, выль корӧсьӧдз он вунӧд.

1060. Сійӧ тупича кодь.

1061. Тайӧс пӧ сира гезйӧн оз позь домны; такӧд ӧти лабичӧ оз позь пуксьыны.

1062. Чер дор моз сы дор сулалӧ.

1063. Таысь колӧ беддьӧн туй вывсьыс чеччыштны.

1064. Дзонь ӧшкӧс да шомӧстыр нянь тайӧ мортыс сёйӧ ӧти вытьӧ.

1065. Сӧптыс поті (бурасигӧн).

1066. Кысыд нюжалас.

1067. Сійӧ кока туис кодь (век вӧтлысьӧ йӧз бӧрысь).

1068. Дзуртӧ, мавтас корӧ.

1069. Ассьыс вӧвсӧ чиган моз ошкӧ.

1070. Кывлӧмыд звон да он тӧд кӧн.

1071. Сизим нянькаыдлӧн кагаыд пыр синтӧм.

1072. Омӧль слава омӧль смерть дорысь на омӧльджык.

1073. Шогторйыдлы шог и доныс овлӧ.

1074. Абутӧмсӧ дзебӧ, воштӧмторсӧ корсьӧ.

1075. Лёк слава ӧдйӧ разалӧ, паськыда паськалӧ.

1076. Мортыс кӧ бур и славаыс бур.

1077. Мед жӧ лёк мортлы вевт ни пыдӧс нэмнас не аддзывны.

1078. Бӧб морт и кык керка костӧ ылалӧ.

1079. Купайтчигӧн кӧтасьӧмысь оз повлыны.

1080. Тамыш синмӧн ю мӧдарӧ эн гонняв.

1081. Мый вылӧ лӧгасян, сы вылӧ и бурасян.

1082. Бӧб мортлысь кык син костсьыс нырсӧ гусяласны.

1083. Мирлысь вомсӧ он кляпикав.

1084. Корӧм абу гусясьӧм.

1085. Юалӧмысь плешкад оз кучкыны.

1086. Кузь кыла мортлӧн вом дорас пыр гут гильӧдчӧ.

1087. Чертӧ кӧ воштан, черпутӧ нинӧм нин жалитны.

1088. Мый нӧ гачтӧ кутігтырйи локтін. (Вунӧдӧма кӧ.)

1089. Тувччас да кӧк улас ва сӧдзас.

1090. Тувччас да куим во сы местаӧ турун оз быдмы.

1091. Дозъянӧй, тыр да эн тӧр.

1092. Керкаыс лыс чом кодь кӧдзыд.

1093. Кос анькытштӧ кӧть век стенӧ кой, оз юшйы.

1094. Пельпӧм вылад ӧд юрыд абу капуста мач.

1095. Порсьлӧн мой оз ло.

1096. Кутшӧм кудйыс, сэтшӧм и вевтыс. Кутшӧм пышйысьыс, сэтшӧм и вӧтӧдысьыс.

1097. Кутшӧм ӧтиыс, сэтшӧм и мӧдыс.

1098. Вошӧм черлӧн кӧ пуыс сюрас, и сійӧ ладнӧ.

1099. Кытчӧ ӧти ыж, сэтчӧ ставныс.

1100. Синкымсьыд вылӧ он чеччышт.

1101. Кӧть кутшӧм абу сюсь, а ас юрсьыд вылӧ он чеччышт.

1102. Он тӧд кӧні усян; тӧдан кӧ, дерт, усян местаад мыйкӧ вӧльсалан.

1103. Нинӧмабуыд и миян абу, эм кӧ: аслыд видз.

1104. Сэтшӧма повзьӧма — сьӧлӧмыс кокбӧрляас лэччӧма.

1105. Быдӧн ас местаас ыджыд.

1106. Тӧлктӧм мортӧс и пӧлать дорын узьлыны велӧдасны.

1107. Писькӧс морт щель костӧд писькӧдчас, обложка увті пырас.

1108. Усьӧм мортӧс нинӧмла мӧдпӧв уськӧдны.

1109. Майбырӧй, налы и овнысӧ! Налӧн ӧд петукыс колькъялӧ и ӧшкыс лысьтӧ.

1110. Невестапуыд кӧ первой домсьыс оз сюр, нелямынӧдсьыс век сюрас.

1111. Чӧрвӧньыд кӧ воши, чӧрӧстӧ нинӧмла на бракуйтны.

1112. Яр Падей Яр Падеикаысь абу бурджык.

1113. Коні кырым, сэн и юр.

1114. Мый лоас лоӧ: коклы— чегны, юрлы — усьны.

1115. Дона тӧвар пукалӧ, а донтӧм ветлӧ.

1116. Ветлысьлы да гуляйтысьлы пай абу, а узьысьлы эм.

1117. Кӧть вый кисьт юр вылас, пыр кажитчӧ ва.

1118. Кодлӧн гыж да пинь, сійӧ и морт.

1119. Сапӧг оз кепысявлыны, кепысь оз кӧмавлыны.

1120. Лёк кылысь да ёрччӧмысь кӧм ни паськӧм он вур.

1121. Калькӧс вома морттӧ и кӧртвомӧн он кӧртвомав.

1122. Эн пӧръяв йӧзӧс— асьтӧ пӧръяласны.

1123. Пӧръясьӧмнад ни горшыд оз веськав, ни кынӧмыд оз пӧт.

1124. Питшӧгад из дзебӧмӧн эн ветлы.

1125. Миртуй вылӧ турун оз быдмы.

1126. Ӧти кинас сетӧ, а мӧднас босьтӧ.

1127. Талун кӧ эм, аски бара кыдзкӧ да мыйкӧ.

1128. Кыдз нӧ вӧртӧ тӧдмалан, кор ки-коксӧ абу кольӧма.

1129. Нырыд тай кык син костад, да он аддзы.

1130. Тыртӧминӧ потшӧс оз потшлыны.

1131. Народнӧй сёрниын тшӧкыда паныдасьлӧны татшӧм выражениеяс: гоннялӧ тар моз, шыр кодь тэрыб, сьӧдӧбж кодь вертляв, кӧч кодь полысь, кӧч кодь пельк, мӧс кодь йӧй, ош улын моз горзӧ, ош моз равзӧ, чукля бӧж тэ, бӧжтӧм руч кодь, руч кодь мудер, руч кодь наян, налим кодь рам, кукань сёйысь пон кодь, понлы яй сюри (удача), порсь кодь няйт, мӧс кодь "пельк", кӧвтӧм вартан моз (сӧрӧ), бергалӧ изки моз, ак тэ, блажен муж (ханжа), "шыдыс шоммӧ" (виччысьӧны), "чагныс поті" (лӧгасьӧмаӧсь), кепысьпӧв кодь гӧтыр, туз кодь пукалӧ, юр кушмытӧдз корси.

Авторлӧн примечаниеяс: ПОСЛОВИЦАЯС ДА ПОГОВОРКАЯС
Тайӧ разделас ми используйтім, асланым записьясысь кындзи, татшӧм сборникъяс да материалъяс: Г.С.Лыткин "Зырянский край при эпископах Пермских и зырянский язык"; у. Wichman Syrjanische Volksdichtung, 1916; "Коми му" #7,10. 1925 во, "Войвыв кодзув" #10, 1953 во (чукӧртіс П.Пунегов); рукописнӧй текстъяс архивъясысь: Ленинградскӧй публичнӧй библиотекаысь Савваитовлысь собрание, Всесоюзнӧй Географическӧй Общество архивысь С.Мельниковлысь гижӧдъяс, Коми республиканскӧй архивысь студентъясӧн чукӧртӧм текстъяс. Мыйкӧ мында пословицаяс да поговоркаяс босьтім Коми филиалса сотрудникъяслӧн (Д.А. да Н.Д.Тимушевъяс, А.С.Сидоров, Т.И.Жилина да М. А. Сахаровалӧн) диалектологическӧй материалъясысь.


Источник: http://foto11.com/komi/vocabular/proverbs.php


Поделись с друзьями



Рекомендуем посмотреть ещё:



Пословицы и поговорки народа Коми » ЧуДетство. ру Календарь беременности Коси коса сценарий


Коми-русские пословицы перевод Уникальная книга коми пословиц и поговорок появилась в интернете « БНК
Коми-русские пословицы перевод Материал (подготовительная группа) на тему: Коми пословицы и поговорки
Коми-русские пословицы перевод Пословицы кубанские, китайские, коми, на немецком языке с переводом
Коми-русские пословицы перевод ПОСЛОВИЦЫ с зыка коми на русский Перевод : с зыка коми на русский
Коми-русские пословицы перевод Пословицы народа Коми : Найди свою пословицу или поговорку : Все
Коми-русские пословицы перевод Коми пословицаяс, поговоркаяс да мукд образнй выражениеяс
Коми-русские пословицы перевод Пословицы на коми языке - все пословицы в одном месте
Пословицы и поговорки по темам недели на коми языке Русско -коми разговорник (1989) КОМИ КЫВ Анекдот : Женщины, как дети, любят говорить "нет" Мужчины, как дети Интернет-магазин красивой, стильной, качественной одежды Как сделать одеяло из квадратов в стиле пэчворк - инструкция Комнатная хризантема : уход в домашних условиях за горшком Моды для Майнкрафт Скачать моды


ШОКИРУЮЩИЕ НОВОСТИ



Дата: 20.05.2018, 11:06 / Просмотров: 73142